Am - Am liðakeppni GA & Carlsberg - úrslit

Veðrið lék við keppendur, sunnan átt og hlýindi.

Am - Am liðakeppni GA er mót sem hóf göngu sína 2008 og verður haldið í september ár hvert, til styrktar afreksstefnu Golfklúbbsins. Golfklúbbur Akureyrar stendur fyrir þessu golfmóti til að standa straum að kostnaði við þátttöku okkar í sveitakeppnum GSÍ og þátttöku betri kylfinga okkar í stigamótum og Landsmótum.

Um er að ræða liðakeppni - fyrirkomulagið er þannig að þrír kylfingar skrá sig sem sveit og GA leggur til fjórða manninn í hverja sveit og er þar um að ræða kylfing með lága forgjöf. Sveitirnar draga um sinn fjórða mann. Í keppninni telja tvö bestu skorin (höggleikur) á hverri holu. Leikið er með forgjöf.

Sigurvegarar voru Naglbítarnir – Örn Viðar Arnarson, Þórhallur Pálsson, og Albert kokkur Hannesson og þeirra lágforgjafakylfingur var Jason Wright, þeir spiluðu á 125 höggum. Í  2. sæti var liðið 4 Amigos en það lið skipuðu þeir Sigurður Samúelsson, Eiður Sefánsson og Darren Patton, þeir drógu Höllu Berglindi með sér og léku þau á 127 höggum og í því 3. á 128 höggum var liðið Speedo það voru þeir Kristján Benedikt, Snorri Bergþórsson og Stefán Jónsson ásamt lágforgjafarkylfingnum Sigurði Ingva.

Nándarverðlaun voru á 4, 11 og 18. holu – Næstur á 4 holu var Sigurður Ingvi 2.28m frá. Skúli Eyjólfsson var næstur holu á 11. braut 4.20m frá og á 18. braut var Hilmar Gíslason næstur holu 0,71m frá.

Boðið var upp á glæsilegan málsverð að móti loknu og gerðu keppendur góðum veitingum góð skil.

Vill Golfklúbburinn þakka Vífilfelli og Norðlenska fyrir frábæran stuðning við mótið.