Úrslit úr Greensomegleði GA

Mikil gleði er meðal kylfinga á Greensomegleðinni.

Greensomegleði GA var haldin í dag í sannkallaðri norðanblíðu og var völlurinn í glæsilegu standi fyrir kylfinga. 29 lið voru skráð til leiks og höfðu kylfingar afar gaman af greensome fyrirkomulaginu en í dag var einstaklega mikilvægt að treysta á liðsfélagann.

Það voru þeir Ásgeir og Finnur sem stóðu sig best í dag en þeir enduðu á 66 höggum (5 undir pari) með forgjöf sem verður að teljast ansi gott í þessu fyrirkomulagi. Á eftir þeim komu Anton og Sturla (Karlarnir í Krapinu) á 68 höggum og þar á eftir Hjörtur og Auðunn (Vinstri/Hægri) á 70 höggum sem hrepptu þriðja sætið. Það var svo hún Guðrún Garðarsdóttir sem komst næst 18. holunni eftir upphafshöggið en þar sló hún glæsilegt högg.

Við þökkum öllum kylfingum fyrir þátttökuna í þessu flotta móti og óskum verðlaunahöfum til hamingju.

Verðlaunahafar eru beðnir að sækja verðlaun sín á skrifstofu GA að Jaðri fyrir 10. Júní.

1. Sæti - 66 högg með forgjöf

Ásgeir og Finnur (Ásgeir Andri Adamsson og Finnur Heimisson)

2. Sæti - 68 högg með forgjöf

Karlar í Krapinu (Sturla Höskuldsson og Anton Ingi Þorsteinsson)

3. Sæti - 70 högg með forgjöf

Vinstri/Hægri (Hjörtur Sigurðsson og Auðunn Aðalsteinn Víglundsson)

Næst holu á 18.

Guðrún Garðarsdóttir - 1.68m