Úrslit úr Arctic Open - Lokahóf í kvöld

Grilltjaldið flotta

Jaðarsvöllur var við frábærar aðstæður þegar seinni hringur Arctic Open mótsins var spilaður í gær.

Mótið var vel heppnað og komu flestir kylfingar sáttir í hús eftir skemmtilegan hring í góðum félagsskap. Veðrið á öðrum leikdegi bauð upp á létta norðangolu, en við sáum við henni og bættum við frábæru grilltjaldi á 5. holu. Þar fengu svangir golfarar pylsur og hleðslu í vel mönnuðu tjaldi GA manna. 

Mikið af öflugum kylfingum börðust um 1. verðlaunin í höggleik, en það var hann Sigurbjörn Þorgeirsson úr GFB sem bar sigur úr býtum á flottu skori. Sigurbjörn lék á tveimur höggum undir pari í heildina, sem var þó einungis einu höggi á undan næsta manni. 

Sigurvegari punktakeppninnar var svo enginn annar en Ólafur Auðunn Gylfason, sem innsiglaði sigurinn með 44 punktum og 67 höggum á seinni hringnum sínum. Frábær hringur!

Liðakeppni Arctic Open var einnig spennandi en þar voru það þeir Arnar Árnason, Víðir Steinar Tómasson, Eggert Jónsson og Guðjón Ármann Guðjónsson sem tóku hana, með 212 punkta saman. 

Í kvöld verður svo lokahófið okkar þar sem mótinu verður opinberlega slitið við mikil hátíðarhöld. Húsið opnar kl. 19:00 og hefst borðhald kl. 20:00. Guðmundur "Gummi Ben" Benediktsson verður veislustjóri, og Rúnar Eff kemur og tekur nokkur lög. Sjálfur náði ég Jóni Vídalín á viðtal hér í salnum áðan sem sagði einfaldlega, ,,þetta verður veisla". 

Úrslit nándarverðlauna og allra flokka:

Höggleikur

1.       Sigurbjörn Þorgeirsson                                140 högg    

2.      Sigurpáll Geir Sveinsson                              141 högg    

3.      Ólafur Auðunn Gylfason                              142 högg    

Höggleikur 55+

1.       Gauti Grétarsson                                          151 högg            

2.        Jón Þór Gunnarsson                                    153 högg            

3.       Ingi Þór Hermannsson                                 160 högg            

Höggleikur konur

Anna Jódís Sigurbergsdóttir                160 högg           

 Stefanía Kristín Valgeirsdóttir            161 högg             

Stefanía Elsa Jónsdóttir                        169 högg            

Punktakeppni með forgjöf:

1.       Ólafur Auðunn Gylfason                              80 punktar 

2.       Unnur Elva Hallsdóttir                                  77 punktar

3.       Ingi Þór Hermannsson                                  76 punktar betri seinni hringur

Nándarverðlaun:

fimmtudagur

4. hola: Böðvar Kristjánsson 59cm 

8. hola: Kristinn Gústaf Bjarnason 188cm 

11. hola: Sigurbjörn Þorgeirsson 176cm 

14. hola: Halldór M. Rafnsson 10cm 

18. hola: Skúli Eyjólfsson 200cm 

Nándarverðlaun:

föstudagur

4. hola: Stefanía Elsa Jónsdóttir 377cm 

8. hola: Linda Hrönn Benediktsdóttir 129m

11. hola: Heimir Jóhannsson 62cm 

14. hola: Skúli Eyjólfsson 55cm

18. hola: Jón Birgir Guðmundsson 63cm