Á Arctic Open mótinu var efnt til fjáröflunar til styrktar útivistarklúbbnum KlökunumKlakarnir eru samstarfsverkefni Sjálfsbjargar og Íþróttafélagsins Akurs. Fjáröflunin fór þannig fram að keppendum gafst tækifæri til að leggja 1.000 kr. til verkefnisins á 18. teig vallarins. Ef högg þeirra hepnaðist vel tífölduðu samstarfsfyrirtæki verkefnisins upphæðina. Í þessum leik söfnuðust alls 1.000.228 kr. Þessi fjáröflun mæltist vel fyrir á mótinu og voru þátttakendur ánægðir með framtækið og tækifærið til að láta gott af sér leiða. Ákveðið hefur verið að efna til fjáröflunar á mótinu árlega og láta afraksturinn renna til góðs málefnis á Akureyri. Þau fyrirtæki sem lögðu til söfnunarinnar að þessu sinni voru
Samherji,
KEA,
Greifinn,
Saga Capital,
Sparisjóður Norðlendinga,
Vífilfell og
Sjóvá. Myndin var tekin á lokahófi mótsins þegar Jón Birgir Guðmundsson, Kristinn Svanbergsson og G. Ómar Pétursson úr Arctic Open nefndinni afhentu Jóni Heiðari, einum af forsvarsmönnum Klakanna, ávísun að upphæð 1.000.228 kr.
