Golfhöllin opnar formlega fyrir veturinn
Í dag opnar Golfhöllin formlega fyrir veturinn.
Þeir sem vilja bóka fasta tíma í golfhermunum okkar í vetur geta haft samband við Ágúst í síma 857 7009 eða á agust@gagolf.is.
Ryderinn hefst svo á morgun en hann verður með breyttu sniði frá því sem verið hefur.
Undankeppni fyrir Ryder keppni GA félaga 2014
Ryder púttmótaröðin hefst í Golfhöllinni á morgun, mót verður í hverri viku og telja 8 bestu mótin hjá hverjum keppanda. Þessu verður skipt í karla – og kvennakvöld. Sú breyting verður að spiluð verða færri kvöld og mótið klárast fyrir jól. Það verður því spilað næstu 8 vikurnar og verður lokamótið haldið laugardaginn 27 desember. Önnur nýbreytni er sú að nú telja báðir hringirnir sem púttaðir eru á hverju kvöldi, ekki bara annar eins og verið hefur.
Fyrirkomulagið verður þannig að það eru spilaðir tveir hringir hvert kvöld líkt og hefur verið undanfarin ár, eða samtals 16 hringir.
- Karlar eru á þriðjudögum 18.00 – 20.00. Fyrsta mótið fyrir karla þriðjudaginn 28. október, það síðasta 16 desember 2014.
- Konur á fimmtudögum 18.00 – 20.00. Fyrsta mótið fyrir konur fimmtudaginn 30. október, það síðasta 18 desember 2014.
Mótin eru félögum í GA að kostnaðarlausu.
Öll æfingaaðstaða önnur en púttvöllurinn er öðrum en keppendum opin á þessum tímum.
ATH: Upp getur komið sú staða að hliðra þurfi degi eða tíma þá er það auglýst sérstaklega
Úrslitakeppni í Ryder keppni GA félaga 2014
Í lok mótaraðar verður úrslitakeppni og fer hún fram laugardaginn 27. desember. Þar taka þátt 12 efstu í karla- og kvennaflokki. Keppt verður í tvímenningi og fjórmenningi. "RYDER CUP" GA. Fyrirkomulag nánar auglýst síðar
