Golfklúbbur Akureyrar og Air Iceland Connect áfram í samstarfi

Golfklúbbur Akureyrar og Air Iceland Connect hafa undirritað samstarfssamning sín á milli til næstu þriggja ára.

Air Iceland Connect hefur staðið veglega við bakið á GA undanfarin ár og er það mikið gleðiefni að samstarfið haldi áfram næstu árin. Í þessum samning er lögð sérstök áhersla á aðkomu Air Iceland Connect að Arctic open og er sá stuðningur ómetanlegur og hjálpar okkur að efla og styrkja þetta glæsilega mót ennfrekar á komandi árum. 

Þökkum við Air Iceland Connect kærlega fyrir veittan stuðning og hlökkum til samstarfsins næstu árin.