Golfklúbbur Akureyrar og Skógarböðin afhentu styrk til Grófin-Geðrækt í dag

Kjartan Sigurðsson framkvæmdarstjóri Skógarbaðanna, Sonja Rún Sigríðardóttir frá Grófinni og Steindór Kr. Ragnarsson framkvæmdarstjóri GA.

Golfklúbbur Akureyrar og Skógarböðin afhentu í dag styrk að upphæð 1.000.000kr til Grófin - Geðrækt. 

Yfir mótsdaga Arctic Open, miðnæturgolfmótsins, var efnt til styrktarleiks við Skógarböðin. Þar gat fólk reynt á heppni sína og getu í golfinu. og um leið styrkt gott málefni og átt möguleika á verðlaunum sjálft í leiðinni. 

"Þetta tókst með eindæmum vel og skapaði skemmtilega upplifun og viðbót við golfmótið og heimsóknina í Skógarböðin. Okkur er sönn ánægja að afhenda Grófinni þennan styrk ásamt Skógarböðunum og vonum að hann komi sér vel við þeirra frábæra starf." - Steindór Kr. Ragnarsson.

Sonja Rún Sigríðardóttir frá Grófinni tók á móti styrknum í dag í Skógarböðunum frá þeim Kjartani Sigurðsson og Steindóri Ragnarssyni.