Íslandsbankamóti unglinga lokið
Fjórða mótið í Íslandsbankamótaröð unglinga fór fram hjá okkur á Jaðri um helgina. Þar var leikfyrirkomulagið höggleikur, í flokkum 17-18 ára og 19-21 árs voru leiknar 54 holur en 36 holur í öðrum flokkum. Mótið byrjaði í erfiðu veðri á föstudeginum en veðurguðirnir bættu það upp með fullkomnu golfveðri laugardag og sunnudag. Alls voru 116 kylfingar skráðir til leiks og þar af spiluðu 16 fyrir hönd GA. Mótið fór afskaplega vel fram og sýndu krakkarnir svo sannarlega hvað í þeim býr.
GA krakkarnir nýttu sér heimakunnáttuna vel og enduðu alls 5 GA-ingar í verðlaunasæti. Þar ber helst að nefna Andreu Ýr sem vann flokkinn sinn nokkuð örugglega og hann Starkað sem fór í bráðabana uppá fyrsta sætið, en hann þurfti að sætta sig við annað sætið. Lárus Ingi, Óskar Páll og Veigar enduðu allir í 3. sæti í sínum flokk sem er einnig flottur árangur. Við getum því svo sannarlega séð að framtíðin er björt hjá efnilegustu kylfingum klúbbsins og þau voru klúbbnum til sóma alla helgina. Við viljum þakka keppendum, mótsstjórn og sjálfboðaliðum fyrir glæsilegt mót og óskum öllum verðlaunahöfum innilega til hamingju með sinn árangur.
Hér að neðan má sjá hvar GA krakkar enduðu í sínum flokk.
17-18 ára kk
Lárus Ingi 73-75-77 - 3. sæti
Gunnar Aðalgeir 87-80-83 - 17 sæti
17-18 ára kvk
Andrea Ýr 77-78-79 - 1. sæti
15-16 ára kk
Starkaður 73-72 - 2. sæti (eftir tap í bráðabana)
Óskar Páll 71-77 - 3. sæti
Patrik 72-78 - 4. sæti
Mikael Máni 77-74 - 7. sæti
15-16 ára kvk
Guðrún María 109-115 - 9. sæti
14 ára og yngri kk
Veigar 78-77 - 3. sæti
Skúli 77-80 - 4. sæti
Snævar 91-90 - 13. sæti
Kristófer 109-96 - 16. sæti
14 ára og yngri kvk
Birna Rut 95-87 - 7. sæti
Kara Líf 105-93 - 12. sæti
Auður Bergrún 101-103 - 13. sæti
Marta Þyrí 103-112 - 15. sæti
Hér að neðan má sjá myndir frá degi 3 ásamt verðlaunahöfum.
