Landsbankinn endurnýjar samstarf við GA
Landsbankinn á Akureyri hefur endurnýjað samstarfssamninga við þrjú íþróttafélög á Akureyri, Golfklúbb Akureyrar, Knattspyrnudeild KA og Knattspyrnudeild Þórs. Samningar þess efnis voru undirritaðir fimmtudaginn 30. maí sl. í útibúi bankans við Ráðhústorg að viðstöddum
fyrirliðum og forráðamönnum félaganna.
Landsbankinn er virkur í stuðningi við fjölbreytt samfélagsverkefni á Akureyri. Bankinn er bakhjarl nokkurra öflugra íþróttafélaga bæði sumar- og vetraríþrótta. Að þessu sinni var gengið
frá samningum við íþróttafélög sem leggja áherslu á
sumaríþróttir. „Samningarnir við íþróttafélögin þrjú eru
mjög þýðingarmiklir fyrir okkur hér á Akureyri. Við viljum leggja okkar af mörkum til að efla starf félaganna þannig að þau nái góðum árangri,“ segir Inga Ásta Karlsdóttir,
útibússtjóri Landsbankans á Akureyri.
Golfklúbbur Akureyrar þakkar Landsbankanum innilega fyrir framlag þeirra og gott samstarf í gegnum árin.
