Nóg að gera í nýju inniaðstöðunni

Aðalinngangurinn er niðri við 10. teig og eru þeir sem eru að fara í inniaðstöðuna beðnir um að fara úr útiskóm þar og klæða sig í golfskó eða íþróttaskó. 

Allar bókanir í golfhermana fara fram á boka.gagolf.is og þar byrja viðskiptavinir á að velja sér einn eða fleiri golfherma til að bóka í, næst er valinn golfermir undir þjónustu og síðan nr. á golfhermi áður en tímalengd er valin. Golfhermir 1 er fyrsti hermir á vinstri hönd þegar komið er inn og golfhermir 2 á móti honum, oddatölur eru síðan vestan megin í salnum og sléttar tölur austan megin - verið er að bíða eftir merkingum á hermana. 

Til að virkja GA afsláttinn þurfa meðlimir að bóka með því að hafa samband við starfsfólk GA í síma 462-2974 eða á skrifstofa@gagolf.is, þá er tíminn bókaður fyrir ykkur og þið greiðið 4.000kr á staðnum fyrir hverja klst. í stað 5.000kr ef þið bókið sjálf á netinu. Hagstæðast fyrir GA félaga er að versla sér 10 skipta kort á 37.200kr og þá fáið þið afsláttarkóða sem þið notið þegar þið bókið. 10 skipta kortin er hægt að kaupa með því að senda tölvupóst á jonheidar@gagolf.is eða mæta upp á Jaðar og versla af starfsmanni. 

Við hvetjum síðan alla þá sem nýta sér hermana að sækja sér trackman appið en það er til bæði á appstore og playstore og heitir "TrackMan Golf". Inn í appinu er hægt að búa sér til aðgang og skrá sig inn í hermana þegar þið byrjið. Þessi aðgangur heldur síðan utan um alla tölfræði hjá hvort sem það er á æfingasvæðinu eða þegar verið er að spila velli.

Sjáumst í golfi á Jaðri allt árið um kring!