Nýr Golfkennari GA

Undirritaður var samningur nú um áramótin við nýjan golfkennara.

Ólafur Auðunn Gylfason hefur tekið við allri golfkennslu hjá Golfklúbbi Akureyrar frá 1. janúar 2010.

Öll kennsla mun verða með óbreyttu sniði til að byrja með. Boginn verður opinn öllum á sama tíma á þriðjudögum og fimmtudögum eins og verið hefur og mun Ólafur verða á staðnum. Allar æfingar unglinga byrja um miðjan mánuðinn og kemur tilkynning fljótlega á unglingasíðunni varðandi niðurröðun tíma í Golfbæ.

Ólafur tekur við af David Barnwell sem nú hefur haldið á vit ævintýra hjá frændum vorum Norðmönnum. Óskum við honum velfarnaðar á nýjum vettvangi og Ólafi óskum við góðs gengis í nýju starfi hjá GA.