Skúli Ágústsson fer holu í höggi á 18 braut

Ótrúleg íþrótt  - þetta golf!! Hreint ótrúlegur golfhringur sem endar með holu í höggi á 18. 

Skúli lýsir svo eftirminnilegum golfhring sem þeir félagar spiluðu í gær hér á Jaðarsvelli.

Í gær fórum við í golf í blíðskapar haustveðri  -  9° hita, logni og sól ......  og vorum  “fimm”   í hollinu, sem ekki er til eftirbreytni,  en þar sem við vorum nánast einir á vellinum,  kom það ekki að sök.   Í hollinu voru,  fyrstan skal frægan telja,  Marra (Hilmar Gíslason)  -  Dodda  (Þórarinn B. Jónsson)   -  Halla  ( Harald Bjarnason)   -  Haddo  (Hallgrím Arason) og  undirritaðu,  Skúli Ág.

Allt gekk þetta stóráfallalaust fyrir sig fyrstu fimm holurnar -  á þeirri sjöttu,  sippaði Doddi í fyrir fugli    -  á þeirri sjöundu,  setti Marri þriðja höggið beint í holu, fyrir fugli, af 80 metra færi   - á  tíundu holu setti Doddi niður 25 metra pútt,  fyrir fugli   -   og á tólftu holu sippaði Doddi aftur í fyrir fugli,  nú úr slæmri legu í hólnum fræga  .....  Skúli setti síðan niður pútt á þeirri fjórtándu fyrir fugli  .....  og  fór síðan,  holu í höggi,   á  þeirri átjándu -  með 8 járni -  holan var í dag  118m. að lengd  -  hár bolti,  allan tímann beint á flagg  -  kom niður ca  1,5 – 2,0  m. frá stönginni, og lá í holu, upp við stöngina þegar við komum að flötinni  -  hreyfði varlega við stönginni og lét boltann  (Titelst)   falla, svo allt væri nú löglegt.....

Þetta var alveg ótrúlegur dagur  -  nú er hver dagur nýttur til golfleiks þar sem síðasti golfdagurinn gæti hafa verið í "dag" þar sem langt er liðið á haustið - haustið er búið að vera mjög gott á  JAÐARSVELLI.

Þetta er í 3. sinn sem Skúli fer holu í höggi. Hér á Jaðarsvelli fyrst á 6. braut og í 2. sinn hjá Golfklúbbnum Oddi.

Við óskum Skúla til hamingju með draumahöggið.

Þetta er þá í 5. sinn sem farin er hola í höggi að Jaðri í sumar