Þjónustukönnun GA - helstu niðurstöður
Að undanförnu hefur félögum GA gefist kostur á að taka þátt í þjónustukönnun GA. Þetta er annað árið sem slík könnun er gerð og var þátttakan mjög góð, en um 250 félagar svöruðu. Við notuðum hádegishléið á vinnudeginum í dag til að fara yfir helstu niðurstöður.
Helstu niðurstöður
Í könnuninni kemur fram að félagar eru almennt ánægðir með þjónustu golfklúbbsins. Nýjar framkvæmdir á 4. braut og við teiga fá jákvæða umsögn, auk þess félgar lýsa yfir ánægju með aðstöðu í Golfhöllinni svo eitthvað sé nefnt. Það sem félagar nefna helst að bæta megi eru ákveðnir hlutar vallarins, s.s. eldri teigar og glompur. Almenn umhirða fær hins vegar mun jákvæði umsögn í ár en í fyrra. Æfingaaðstaða þykir ekki nógu góð, þ.m.t. mottur, boltar, en æfingaflatir fá hins vegar mjög góða einkunn. Loks benda margir félagar á það að vallareftirlit þurfi að efla, bæði til að tryggja að gestir greiði félags- eða vallargjald og til að auka leikhraða á vellinum.
Þátttaka félaga í könnun sem þessari er mjög mikilvæg, enda nýtir stjórn og starfsfólk klúbbsins niðurstöðurnar til að móta starfið. Við þökkum kærlega fyrir góða þátttöku í könnuninni og vonumst til að framhald verði á næsta ári.
