Vökvunarkerfi komið í allar nýjar flatir
20.05.2010
Lagðar hafa verið vatnslagnir að 7. flöt að Jaðri og sjálfvirkum úðurum komið þar fyrir. Er þetta síðasta nýja flötin sem fær sjálfvirka vökvun, en alls hafa 9 nýjar flatir verið teknar í notkun. Til viðbótar hefur vökvunarkerfi verið lagt í æfingaflatirnar þrjár við bílastæðin, sem og 15. og 17. flöt. Stefnt er að því að opna æfingaflatirnar og þá sautjándu í sumar. Óvíst er með opnun 15. flatar enn sem komið er.
Myndir af vallarframkvæmdum Áhugasamir geta skoðað myndir af framkvæmdum við Jaðarsvöll, sem uppfærðar eru stöðugt á ljósmyndavef Edwins. Tengillinn er: http://www.flickr.com/photos/28589123@N03/
